Membres deu projècte Linguatec que participan a las jornadas deu centenari d’Euskaltzaindia

23 setembre, 2019 By 0 Comments

Los 12 e 13 de seteme que’s hestegè en San Sebastián la darrèra de las jornadas academicas qu’Euskaltzaindia hestegè pr’amor deu son centenari. La jornada que’s titolava « L’environament numeric, l’estandardizacion de las lengas e lo basco », e que i avón ua preséncia particulara los membres deu projècte Linguatec.

Lo dijaus matin que s’i debanè ua taula redonda en la quau participè Benaset Dazéas, membre deu Congrès permanent de la lenga occitana, atau com lo representant de Fryske Akademy Hans Van de Velde e Mathieu Constant, de l’Universitat de Lorrèna.

Lo dijaus vrèspe, que tractèn en taula redonda de « Las ressorsas lingüisticas e sociaus de l’environament numeric entà l’estandardizacion deu basco », en la quau intervienón los membres deu grop IXA de l’UPV/EHU Iñaki Alegria e Olatz Arregi atau com Josu Aztiria, d’Elhuyar e Ainhoa Arregi, de UZEI.

Lo divés matin que’s debanè la presentacion de l’iniciativa « Euskara eskuz esku (lo basco de man en man) », per las parts deu membre d’Euskaltzaindia Battittu Coyos, e tanben l’intervencion de  Vincenç Rivière, deu Congrès permanent de la lenga occitana, qui amuishè lo tribalh qui son a realizar entà ahortir la lenga occitana dens l’environament numeric.