Amassada a Tolosa deu projècte Linguatec

24 setembre, 2019 By

Lo divés 19 de seteme passat que’s tienó a Tolosa la quatau amassada deu projècte Linguatec, finançat peu Programa de Cooperacion Territoriau Espanha-França-Andòrra, aperat POCTEFA (2014-2020).

Que i participèn l’ensem deus sòcis : Elhuyar Fundazioa, lo Govèrn d’Aragon, Euskaltzaindia, l’Universitat deu País Basco (representada peu departament IXA), Lo Congrès atau com l’entitat qui arcuelhó l’amassada, lo Centre Nacionau de Recèrca Scientifica (CNRS), aus locaus lors de l’Universitat Joan Jaurès de Tolosa (lo Miralh).

Los amassats que realizèn ua evaluacion de l’avançada deus diferents projèctes aviats en 2018, e que deurén estar acabats en 2020. L’ensem deus tribalhs qu’avançan a un ritme satisfasent.

Ua part de l’amassada qu’estó dedicada a la comunicacion extèrna e, entad ac har, que i participè l’enterpresa responsabla d’aquera tasca.

Que’s presentèn instruments divèrs : Internet, los hialats sociaus (Twitter e Facebook), e que’s considerè la hrèita de generar eveniments de comunicacion en cada territòri, qui permétian obtiéner un impacte comunicatiu.

L’encontre qu’estó tanben objècte d’un reportatge a la television publica FR3 Occitania.