La purmèra sintèsi vocau entà l’occitan
Lo 23 de heurèr passat, que presentèm VOTZ a Pau, lo purmèr utís de sintèsi vocau en occitan. Que s’ageish d’un pas gran tau desvolopament tecnologic de l’occitan. VOTZ que n’ei un resultat deus géncers d’aqueste projècte de cooperacion transfronterèra, desvolopat peu Congrès permanent de la lenga occitana, dab l’ajuda d’Elhuyar, sòcia tecnologica e coordinatora deu projècte LINGUATEC.
Que s’ageish d’un utís de sintèsi vocau, qu’ei a díser ua aplicacion que passa lo tèxte escriut en audio. Que reconeish dus dialèctes de l’occitan, lo gascon e lo lengadocian, e pr’amor d’aquò qu’oraliza los tèxtes escriuts en sengles dialèctes.
Los utís aqueths que son d’ua utilitat grana entà har créisher l’accessibilitat, qu’ei a díser, entà que la personas qui ne pòden pas léger e poscan escotar çò de dit peu tèxte. Tà çò de la lenga occitana qu’ei enqüèra mei important, pr’amor lo son emplec qu’ei hòrt redusit, qu’ei pr’amor d’aquò gràcias ad aqueth utís la soa visibilitat que poderà créisher. Que serà un saut deus bèths, un gran pas en davant.
Per aqueth ligam que’s pòt conéisher l’acte de presentacion.
Ací devath qu’avetz l’impacte qu’a avut la presentacion capvath mantuns mèdias :
Share on Facebook Share on Twitter Share on Pinterest