ReVOc, programa de desvolopament de la purmèra reconeishença vocala en occitan

9 decembre, 2020 By 0 Comments

Lo Congrès permanent de la lenga occitana qu’avia ReVOc, un programa transfronterèr triennau de desvolopament de la reconeishença vocala en occitan (tà las soas varietats gascona e lengadociana).

La reconeishença vocala qu’ei l’utís qui analisa la votz e qui la transcriu dab la fòrma d’un tèxte escriut. Que hè partida de las tecnologias de tractament de la paraula qui permeten aus umans d’escambiar oraument dab las maquinas, mercés a interfàcias vocalas.

La reconeishença vocala qu’ei indispensabla tà realizar utís com lo sostitolatge automatic de video, las aplicacions de dictada vocala o los assistents personaus intelligents.

Que’s hè ReVOc dens l’encastre d’un partenariat dab la Rolde de Estudios Aragoneses (qui desvolòpa la medisha tecnologia entà la lenga aragonesa) e la fondacion basca Elhuyar (en carga de la partida tecnica deu programa) e qu’a lo sostien financèr de las regions Navèra Aquitània e Occitania, e lo departament deus Pirenèus Atlantics.