Escaduda grana deu talhèr de transferiment de coneishenças a Jaca
Lo palais deus Congrès de Jaca qu’arcuelhó lo 13 d’abriu passat lo talhèr de transferiment de coneishenças deu projècte europèu LINGUATEC. Lo talhèr que’s tienó en presenciau, e arretransmetut en streaming a l’encòp.
Qu’assistín au talhèr personalitats divèrsas d’Aragon, com Juan Manuel Ramón Ipas, Maire de Jaca; José Ignacio López Susín, Director genereau de politica lingüistica deu Govèrn d’Aragon e Luis Estaún García, Director genereau de desvolopament estatutari e Programas europèus deu Govèrn, qui avièn la jornada.
Jean-Louis Valls, Director de la Comunautat de Tribalh deus Pirenèus (CTP), que presentè ua conferéncia titolada “Capitalizacion com transferiment de coneishenças”, arron la quau e’s tienó lo talhèr de transeriment de coneishenças, a on e’s presentèn utís divèrs qui’s desvolopèn capvath lo projècte. Moderats peu Francho Beltrán Audera, Capdau de servici de politica lingüistica deu Govèrn d’Aragon, Santiago Lamora que presentè l’Aragonario, Klara Ceberio, d’Elhuyar, qu’amuishè TraduZe, e Santiago Cabello, de l’enterpresa Tintaura e Antonino Sistac, de Readspeaker, qu’expausèn App toristicas e sintèsi vocau. Josu Aztiria, capdau deu projècte Linguatec e sòci d’Elhuyar, per las soas parts, que descrivó l’interconnexion existenta enter las divèrsas aplicacions.
Lo talhèr que s’acabè per la signatura d’acòrds de transferiment dab las enterpresas seguentas : PRAMES, El Periódico de Aragón, Caja Rural de Aragón, Delera Consultora Europea, Adcom informática y comunicaciones, Aragon Valley e Tintaura.
Aquiu lo resson deu talhèr capvath los mèdias :
