Presentacion de l’aplicacion qui hè accessibla e multilingua la rota deu Serrablo

30 April, 2021 By

Que’s presentè lo 28 d’abriu passat l’aplicacion « Ilesias de Sarrablo » dens la glèisa de Lárrede, disponibla entaus dispositius IOS e Android, qui balha informacions de las detalhadas, accessiblas e multilingüas, de cadua de las 19 glèisas qui’s tròban capvath lo parçan deu Serrablo (Alto Gállego, Aragon).

L’aplicacion qu’ei estada desvolopada peu mejan deu projècte europèu LINGUATEC, e que s’i pòt causir la lenga en la quau voletz obtiéner l’informacion, qui ei disponibla en aragonés, castelhan, francés, basco, catalan e galician.

L’aplicacion que reconeish la geolocalizacion de la persona que pòrta lo telefonet, e que’u perpausa de remirar fòtos, léger o escotar en la lenga causida l’informacion e accedir a informacions mei capvath mantuns ligams.

Entà realizar aquera aplicacion que s’an emplegat los traductors automatics interlengas hargats peu projècte LINGUATEC, atau com la tecnologia de sintèsi vocau de l’aragonés, qu’existiva ja tà las autas lengas. En mei d’estar accessibla, l’aplicacion que pòt guidar aus visitaires uelhfebles lo long deu camin.

Mantuns mèdias qu’an relaiat l’informacion pertocant aquera aplicacion :