Encontre a Huesca enter las entitats sòcias deu projècte Linguatec

5 març, 2020 By 0 Comments

Lo 27 de heurèr de 2020, ua navèra amassada que’s tienó enter los sòcis deu projècte Linguatec (Elhuyar, CNRS, Universitat de Tolosa, Lo Congrès permanent de la lenga occitana, IXA – UPV/EHU, Torisme d’Aragon e Euskaltzaindia) aus Archius istorics de Huesca. L’interconnexion enter los sòcis e los navèths instruments tecnologics desvolopats per cadun deus sòcis qu’estó l’èish centrau de l’amassada. En fèit, tots que collabòran au desvolopament d’utís numerics, dab la mira que las lengas aragonesa, basca, e occitana ajan la plaça qui s’ameritan au sègle XXIau.

Los representants deu govèrn d’Aragon que partatgèn lo tribalh noste : José Ignacio López Susín, Director generau de la politica lingüistica ; Luis Estaún García, Director generau deu desvolopament estatutari e deus programas europèus, e Olga Alastuey, Directora provinciau de l’educacion, de la cultura e de l’espòrt. Los purmèrs dus que hasón tanben declaracions a la premsa, en har vàler los desvolopaments realizats au long deu projècte.

Aquiu quauques-uns deus mèdias qui hasón lo reclam de l’amassada, e deu projècte :

https://www.heraldo.es/noticias/aragon/huesca/2020/02/27/la-dga-presenta-en-huesca-un-traductor-automatico-de-textos-al-aragones-1361192.html

http://aragonhoy.net/index.php/mod.noticias/mem.detalle/area.1037/id.256388

https://www.diariodelaltoaragon.es/NoticiasDetalle.aspx?Id=1198059

https://www.elperiodicodearagon.com/noticias/aragon/gobierno-aragon-presenta-traduze-programa-traduccion-automatica-aragones_1411283.html