Amassada d’aviada deu projècte Linguatec a Elhuyar

5 March, 2018 By

La purmèra amassada d’aviada deu projècte Linguatec que’s tien uei, a la sedença de Elhuyar a Usurbil. L’entitat pilòta deu projècte, Elhuyar, que recep a casa diferents sòcis deu consòrci que confòrma Linguatec : IXA Taldea, Euskaltzaindia, Lo Congrès Permanent de la Lenga Occitana, El Gobierno de Aragón (lo Govèrn d’Aragon) e lo CNRS.

Que s’ageish d’un projècte tranfrontalèr de tres ans de temps, e l’objectiu son qu’ei de gavidar la collaboracion entau desvolopament numeric de l’aragonés, l’occitan, lo catalan e lo basco, en partatjar coneishenças, ressorsas e utís, atau com en desvolopar aplicacions especificas.

Que contaràn suu sostien economic escadut a l’aperet a projèctes Interreg Poctefa.