Mugaz gaindiko hizkuntza-azpiegitura baterako bikaintasun-sarea
2021eko ekainaren 18an, Mugaz Gaindiko Linguatec Kongresuaren barruan, mugaz gaindiko hizkuntza-azpiegitura bat eraikitzeko adimen artifizialeko bikaintasun-sarearen sorrera-manifestua irakurri eta sinatu dutela partzuergoko kideek, Eneko Goia Donostiako alkateak lagunduta.
Hiru urteko ibilbidean, LINGUATEC proiektuaren inguruan bildutako ikerketa-taldeak lankidetzan jardun du hizkuntzen arteko hizkuntza-baliabide eta -tresna berriak garatzeko, bai eta onlineko aplikazio berriak garatzeko ere, hiru hizkuntzen erabilera bultzatzeko eta azken erabiltzaileek eduki eleanitzetarako sarbidea izan dezaten. Proiektuan lortu den garapen-mailak urrats estrategiko bat ematera bultzatu ditu bazkide diren erakundeak: adimen artifizialean bikaintasun-sare bat sortzea, mugaz gaindiko hizkuntza-azpiegitura bat eraikitzeko.
