Presentazión de l’aplicazión que fa a rota de Sarrablo azesible y multilingüe

30 April, 2021 By

O 28 d’abril se presentó en a ilesia de Larrede l’app ‘Ilesias de Sarrablo’, disponible ta dispositivos IOS y Android, que ofrexe informazión detallada, azesible y multilingüe, sobre cadaguna d’as 19 ilesias que se i troban en a redolada de Sarrablo (Alto Galligo).

L’aplicazión ha estau desarrollada dentro d’o proyeuto europeu LINGUATEC, y en ella se puede triar a luenga en a cuala se deseya obtener a informazión, que ye disponible en aragonés, castellán, franzés, anglés, euskera, catalán y gallego.

L’aplicazión reconoxe o puesto an que se troba a persona que porta o telefono mobil, y le ofrexe visionar as fotografías, leyer u escuitar en l’idioma estriau a informazión y mesmo azeder a informazión complementaria a traviés de diferens vinclos.
Ta la realizazión d’ista aplicazión s’han emplegau os traductors automaticos interlenguas elaboraus en o proyeuto LINGUATEC, asinas como a tecnolochía de “sintesi vocal” de l’aragonés, que ya esistiba en as demás luengas. L’aplicazión amás d’estar azesible, puede conduzir a visitans con discapazidat visual por o recorriu.

Diversos meyos han dau treslau de l’aplicazión: