Congreso Transfronterizo d’o proyeuto Linguatec

21 June, 2021 By

Os días 17 y 18 de chuño de 2021 ha teniu puesto o Congreso Transfronterizo Linguatec, con o titol de “Inteligencia artificial y cooperación transfronteriza: hacia una infraestructura lingüística, inteligente y accesible”.

A primera chornada s’ha zelebrau en Pau, en o Complexe d’a République, ha reuniu a representans d’alto libel d’as tres luengas en as cualas treballa LINGUATEC: euskera, aragonés y oczitano, asinas como d’as entidaz que aconforman o consorzio. A segunda, por a suya parte, ha teniu como sitio o palazio de Miramar, ya que s’ha zelebrau en l’aro d’os Cursos de Verano d’a UPV/EHU.

Entre as dos chornadas d’o congreso, s’han compartiu interesans reflesions y debates en as diferens mesas retunas que han teniu puesto; s’han tratau as oportunidaz y retos que traye con el a cooperazión tecnolochica entre luengas, y s’han ofrexiu tallers-demostrazión d’as prenzipals aplicazions desarrolladas en o proyeuto LINGUATEC. Asinasmesmo, cabe destacar a lectura y siña d’o manifiesto fundacional d’o ret d’eszelenzia en intelichenzia artificial pa la construzión d’una infraestrutura lingüistica transfronteriza por parte d’os miembros d’o consorzio (veyer notizia).

Pa más detalles d’o que han dau d’él as dos chornadas d’o Congreso Transfronterizo Linguatec, puez consultar os boletins informativos de cadagún d’os días:

Boletín d’o 17 de chuño, chornada zelebrada en Pau

Boletín d’o 18 de chuño, chornada zelebrada en San Sebastián